ചേപ്പാട്
ഗ്രാമ പഞ്ചായത്ത്

ആലപ്പുഴ ജില്ലയിലെ കാര്‍ത്തികപ്പള്ളി താലൂക്ക് മുതുകുളം ബ്ളോക്ക് പഞ്ചായത്ത് പരിധിയില്‍ വരുന്നതാണ് ചേപ്പാട് പഞ്ചായത്ത്. 12.67 ച.കി.മീ വിസ്തീര്‍ണ്ണമുള്ളതാണ് ഈ പഞ്ചായത്ത്. 2025-ലെ വാര്‍ഡ് ഡീലിമിറ്റേഷന് ശേഷം 16 വാര്‍ഡുകള്‍ ആണ് ഉള്ളത്. ചേപ്പാട് പഞ്ചായത്ത് ഒരു പൂരാതന സംസ്കാരത്തിന്റെ അടിത്തറയിലാണ് നിറഞ്ഞു നില്‍ക്കുന്നത്. തിരു-കൊച്ചി സംസ്ഥാനത്ത് പണ്ടു നിലനിന്നിരുന്ന ജന്മിത്വത്തിനും, അടിമത്ത്വത്തിനും എതിരെ ചേപ്പാട്ട് 1955 ആഗസ്റ്റ് മാസത്തിലാണ് “ആലപ്പുറത്ത് സമരം” എന്ന പേരില്‍ അറിയപ്പെടുന്ന അവകാശപ്പോരാട്ടം ആരംഭിച്ചത്. “1967-ലെ ഭൂപരിഷ്ക്കരണ നിയമം ” ചേപ്പാടിന്റെ ചരിത്രത്തിലും പ്രതിഫലനം സൃഷ്ടിച്ചു. ഒരു തുണ്ടു ഭൂമി പോലും സ്വന്തമായില്ലായിരുന്ന ഒട്ടനവധി പേര്‍ കുടികിടപ്പ് നിയമം മൂലം ഭൂവുടമകളായി. പഞ്ചായത്തുകള്‍ നിലവില്‍വരും മുമ്പ് (തിരു-കൊച്ചി സംയോജനത്തിനു മുമ്പ്) വില്ലേജ് യൂണിയന്റെ ആദ്യത്തെ പ്രസിഡന്റ് ഈരിക്കല്‍ ശിവശങ്കരപിള്ള...